«Архив-2025» бағдарламасы аясында Қазақстанның Ұлттық қолжазбалар және сирек кітаптар орталығы Ресейден табылған маңызды тарихи құжаттың көшірмесін жариялады. Бұл туралы ҚР Мәдениет және ақпарат министрлігінің баспасөз қызметі хабарлады.
2022 жылы Мәскеуге жасалған ғылыми-зерттеу сапары барысында Ұлттық орталықтың мамандары XVII ғасырдың парсы тіліндегі «Тарих» қолжазбасын зерттеген. Қолжазбада Қазақ хандығының және оның Шығыс Түркістандағы моғол билеушілерімен қарым-қатынасы туралы деректер келтірілген.
Аталған кітап Мұхаммед Хайдар Дулаттың «Тарих-и Рашиди» еңбегінің жалғасы ретінде ұсынылған және Қазақ хандығының тарихын зерттеуде ерекше маңызды. Қолжазба авторы Шах Махмуд ибн Мирза Фазыл Чурас, ол Моғолстан тарихы бойынша бірнеше еңбектің авторы ретінде танылған, әрі бұл құнды дерек 30 жылға жуық жазылған. Оның «Тарих» еңбегі Шығыс Түркістан, Қырғызстан, Қазақстан және Орта Азия халықтарының тарихы туралы мол мәліметтерді қамтиды.
Қолжазба алғаш рет 1913 жылы Ташкентте Бақи-Жанбайдың жеке қолжазба қорынан табылған.