Ресейде коронавирустның «Стратус» деп аталатын жаңа штаммы белсенді таралып жатыр, – деп хабарлайды aqshamnews.kz тілшісі. Осыған байланысты Қазақстанның Денсаулық сақтау министрлігі елде алаңдауға негіз жоқ екенін мәлімдеп, эпидемиологиялық жағдайдың тұрақты екенін мәлімдеді.
Ведомство дерегінше, эпидмаусым басталғалы бері ЖРВИ мен тұмауға шалдығу көрсеткіші 13 пайызға төмендеген. Ал жыл басынан бері Қазақстанда COVID-19 жұқтырудың бар болғаны алты жағдайы тіркелген. Анықталған оқиғалардың барлығында дерлік «Стратус» штаммы басым болған.
Денсауминнің Санитариялық-эпидемиологиялық бақылау комитеті басқармасының басшысы Айгүл Катренованың айтуынша, айналымда жүрген XFG желісі денсаулыққа алдыңғы «Омикрон» тармақтарымен салыстырғанда қосымша қауіп төндірмейді. Ауру көбіне жөтел, тамақтың ауыруы, мұрынның бітуі, бас ауруы, жалпы әлсіздік және бұлшық еттің сырқырауы сияқты белгілермен өтеді. Ерекше белгісі ретінде дауыстың қарлығуы мен қырылдауы аталады. Жұқпалылығы жоғары болғанымен, XFG көбіне ауыр асқынуларға алып келмейді.
Мамандар «Стратустың» клиникалық көрінісі кәдімгі ЖРВИ-ге ұқсас екенін айтады. Дегенмен бұл штаммның жұғу қабілеті жоғары әрі бұрын қалыптасқан иммунитетті ішінара айналып өтуі мүмкін.