Регби-7 спортынан Монакода өтіп жатқан Токио олимпиадасына іріктеу турнирін қазақстандықтар сәтсіз аяқтады, деп хабарлайды Olympic.kz.
Анна Яковлева жаттықтыратын Қазақстан құрамасы турнирдің жартылай финалына шыққан еді. Алайда бұл кезеңде Ресей құрамасынан 0:38 есебімен жеңілді.
Қазақстан бұған дейін топтық сынды жақсы өткізді. Алдымен Тунис құрамасын 12:0 есебімен тұқыртса, екінші жарыс күнінде Папуа және Жаңа Гвинея құрамасын 17:10 есебімен қапы қалдырған еді.
Осылайша, регбишілер Токио Олимпиадасына қатысу құқығына қол жеткізе алмады. Әзірше спорттың ойын түрлерінен ешбір командамызда олимпиада жолдамасы жоқ.