Қазақстанда атом электр станциясын салу мәселесі бойынша референдумға ақын Фархат Тамендаров қатысты. Ол Алматы қаласының Медеу ауданындағы Назарбаев Зияткерлік мектебінде орналасқан №622 сайлау учаскесінде дауыс берді.
«Бүгін біздің елімізде референдум өтіп жатыр, онда маңызды мәселелердің бірі – Қазақстанда АЭС салу шешілуде. Референдум өткізу демократияның маңызды құралы деп санаймын және әрбір азамат өз ұстанымын білдіруге құқылы. Бүгін мен маңызды мәселеге бей - жай қарамайтын қазақстандықтармен бірге саналы және азаматтық борышымды көрсетіп, өз таңдауымды жасадым», - деп атап өтті Фархат Тамендаров.
Естеріңізге сала кетейік, бүгін Қазақстанда АЭС салу мәселесі бойынша республикалық референдум өтуде.
Алматыда барлығы 624 сайлау учаскесі жұмыс істейді, олар 20.00-ге дейін ашық болады.