Жеке құрам күшейтілген режимде жұмыс істейді
ҚР ІІМ Әкімшілік полиция комитетінің төрағасы Атығай Арыстанов онлайн-телемарафон барысында хабарлағандай, референдум өткізу кезінде бұзушылықтар тіркелген жоқ.
Ішкі істер органдары референдум өткізу кезінде қоғамдық тәртіпті қорғауды қамтамасыз етуге міндетті
«Ішкі істер органдарының барлық жеке құрамы күшейтілген режимде жұмыс істеуде. Бюллетеньдер әкелінгенге дейін дауыс беруге арналған барлық учаскелер қауіпсіздікке, оның ішінде өрт сөндіруге де тексерілді. Қазіргі уақытта жеке құрам күшейтілген режимде жұмыс істеуде. Жалпы ел бойынша жағдай тұрақты, қазіргі уақытта қандай да бір бұзушылықтар тіркелген жоқ», – деді Атығай Арыстанов.