ҚазҰПУ ректоры Болат Тлепов өтіп жатқан референдумға қатысып, өз таңдауын жасады.
– Референдум – халқымыз үшін тағдырлы саяси шешім қабылдайтын өте маңызды науқан екені белгілі. АЭС салу мәселесі, экономикалық сипатқа ие болса да, дәл осындай шешімдердің қатарына жатады деп санаймын. Бұл жоба еліміздің болашағына, оның әл-ауқатына түбегейлі әсер етуі мүмкін. Сондықтан әрбір азамат осындай маңызды шешімдер қабылдауға қатысуы керек. Бұл – қоғамның күткеніне әділдікпен жауап беру, біздің Президентіміз үнемі айтып келе жатқан ашықтық пен әділеттілік, - деп атап өтті Болат Тлепов.
2024 жылдың 6 қазанында Қазақстанда атом электр станциясын салу мәселесіне арналған республикалық референдум басталды. Бүгін 10 323 сайлау учаскесі жұмыс істейді, оның ішінде 74-і шетелдегі 59 елде орналасқан. Дауыс беру тізіміне 12 млн 244 мың 683 азамат енгізілген. Референдумды 30 шет мемлекеттен және 4 халықаралық ұйымнан келген 177 бақылаушы қадағалауда.