Бүгін, 5 желтоқсан күні Қызылорда қаласында ауа райының қолайсыздығынан көктайғақ болып, нәтижесінде 7 жол-көлік оқиғасы орын алды, деп хабарлайды aqshamnews.kz.
Қызылорда облыстық полиция департаментінің хабарлауынша, бұл апаттардан үш қала тұрғыны жарақат алып, ауруханаға жеткізілді, бірақ кейін амбулаториялық емдеуге қайтарылды.
Полиция қызметкерлері облыс тұрғындарынан және жүргізушілерден көктайғақ кезінде жолда абай болуды сұрап, көлік жылдамдығын арттырмауды және жылдамдық режимін сақтауды ескертті. Сонымен қатар, автомобильдер арасындағы қауіпсіз арақашықтықты сақтау және көліктерді қысқы дөңгелектермен жабдықтау жолдағы күтпеген жағдайлардың алдын алуға көмектесетін негізгі шаралар екені атап өтілді.
Қызылорда облысының полиция департаменті тұрғындарды мұқият болуға шақырып, сақтықты қолға алуды ұсынады.
Еске сала кетсек, жақында Қызылордада баспалдақтың темір қоршауына басы қысылып қалған бала аман-есен құтқарылды.