Қызылорда облысы Сырдария ауданының соты мас күйде әйеліне былапыт сөз айтып, отбасының берекесін қашырған, тіпті, ұрыс кезінде әйелінің киім-кешегін өртеген ер адамды соттады, - деп хабарлайды aqshamnews.kz тілшісі.
Ол 5 күн қамалады, одан кейін 3 ай бойы ішімдік ішпей, есірткі тартпауы керек.
"Ер адам кінәсін мойындады. Сот оны 5 тәулікке әкімшілік қамаққа алды. Сот оның мінез-құлқына 3 ай мерзімге алкоголь ішуге, есірткі, психотроптық заттарды қолдануға толық көлемде тыйым салуды міндеттейтін ерекше талап белгіледі", - деп хабарлайды соттың баспасөз қызметі.
Зәбір көрген әйел күйеуінің бұл әрекетін кешірмейтінін айтқан.