Жексенбі, 8 ақпанда, Милан мен Кортине-д’Ампеццода Қысқы Олимпиада-2026 ойындарының кезекті жарыс күні өтеді. Қазақстан құрамасының өкілдері спорттың екі түрі бойынша сынға түседі, - деп хабарлайды aqshamnews.kz тілшісі.
Бүгін Қазақстан өкілдері Амирғали Мұратбеков пен Наиль Башмаков ерлер арасындағы шаңғы жарысында өнер көрсетеді.
Тікелей эфирді 16:20-де Qazsport телеарнасынан көрсетіледі. Трансляцияны арнаның сайтынан да көруге болады.
Қазақстандықтар Владислав Киреев, Асет Дюсенов, Айша Ракишева және Милана Генева биатлоннан аралас эстафетаға қатысады.
Тікелей эфир Қазақстан уақытымен 17:55-те Qazsport арнасында және арнаның сайтында да қолжетімді болады.
Еске салайық, кеше Италияда Қысқы Олимпиада ойындары басталды. Алғашқы күні Қазақстан атынан бірнеше спортшы әйелдер арасындағы шаңғыдан скиатлонда және конькимен жүгіруден 3000 метр қашықта бақ сынады.
Надежда Морозова 3000 метрге конькимен жүгіруден алтыншы орын алды (4:01.200), ал Елизавета Голубева осы қашықтықта оныншы болып мәреге жетті (4:03.300).
Шаңғыдан скиатлонда қазақстандық спортшылар Ксения Шалыгина мен Надежда Степашкина тиісінше 53 және 60-орынға тұрақтады.