Оның қай облысқа жіберілгені көрсетілмеген.
Сотталған бұрынғы Ұлттық экономика министрі Қуандық Бишімбаев колонияға ауыстырылды, деп хабарлайды Almaty-akshamy.kz
Бұл туралы бүгін Қылмыстық атқару жүйесі комитеті (ҚАЖК) хабарлады.
"Бұл сотталған сот үкімі бойынша қатаң режимдегі мекемеге ауыстырылды. Сонымен бірге, Қылмыстық атқару кодексінің 88-бабына сәйкес сотталғандар жазасын өтеу орындарына сәйкес жіберілетінін хабарлаймыз", делінген Қылмыстық-атқару жүйесі комитетінің баспасөз қызметі таратқан ақпаратта.
Сондай-ақ, кодекстің бабына сәйкес, өзге де мәліметтер жария етуге жатпайтыны атап өтілген.