Президент Қасым-Жомарт Тоқаев медицина саласының қызметкерлерін бүгінгі кәсіби мерекелерімен құттықтады, деп хабарлайды Almaty-akshamy.kz.
«Медицина қызметкерлерін кәсіби мерекесімен құттықтаймын! Сіздер өз міндеттеріңізді абыроймен атқарып, ел құрметіне бөленіп жүрсіздер. Ұлт саулығы – басты байлығымыз. Мемлекет денсаулық сақтау саласына әрдайым ерекше назар аударып, дәрігерлерге үнемі қолдау көрсетеді», - деп жазды Мемлекет басшысы Twitter аккауынтында.
Бұдан бөлек, Қазақстанның медицина қызметкерлерін кәсіби мерекемен Дүниежүзілік денсаулық сақтау ұйымының бас директоры Тедрос Гебрейесус құттықтап, сала мамандарының алаңсыз қызмет атқаруына жағдай жасау бүкіл адамзат міндеті екенін еске салды.