«Қозы Көрпеш-Баян сұлу» спектаклі Мәскеуде сахналанды

«Қозы Көрпеш-Баян сұлу» спектаклі Мәскеуде сахналанды Cурет: Qazaqstan.tv

Қазақ ұлттық өнер университетінің студенттері Ресей театры өнері институтында қазақ дастанын көзі қарақты көрерменнің назарына ұсынды.


Көне туынды жаңғыртылып, жаңарған. Көптің ықыласына бөленген пьеса театр сыншыларын таңдандырмай қоймады, деп хабарлайды Almaty-akshamy.kz.


Серік Мақсұтов өнер университетінің төртінші курс студенті. Басты рөлді, яғни Қозыны сомдайды. «Қойылымның жаңа интерпретациясы, декорация мен актерлардың киім үлгісіне ерекше мән берілген»,- дейді. 



«Жаңаша көзқараспен қойдық осы «Қозы Көрпеш-Баян сұлу» спектаклін. Бұл спектаклде маған Қозының рөлін ойнау қатты қиын деп айта алмаймын, бірақ ішінде екі немесе үш сахна бар өзіме ауыр келетін. Осы сахнаның ішінде мен екі, үш рет жылап алам деп айтсақ та болады», - дейді Қазақ ұлттық өнер университетінің студенті Серік Мақсұтов. 



Көненің көзіндей болған махаббат хикаясы эмоцияға толы. Театр сыншылары студенттердің кәсіби шеберлігін ерекше атап өтті. Дайындыққа алты айдан астам уақыт кеткен.



«Бұл классикалық пьеса болғандықтан, өзінің стилистикасы бар. Ғабит Мүсіреповтың стилистикасы. Соны жоғалтпау үшін, өзіміздің ұлттық тіліміздің мелодикасын білдірту үшін көрерменге қазақ тілінде осы пьесаны ұсынамыз», - дейді Қазақстанның еңбек сіңірген қайраткері, профессор Қымбат Тілеуова.



«Қозы Көрпеш-Баян сұлу» бірнеше тілге аударылған дастан. XIX ғасырдың ортасында қағазға түскен лиро-эпостық жыр бүгінде халықаралық деңгейде мойындалған құнды мұра. Ресей театрты институтында қойылған қазақ тіліндегі спектакль көптің көңілінен шықты. Дәл осы нұсқаны жас актерлер Еуропаның талғампаз көрерменінің назарына ұсынсақ дейді.

Сіздің реакцияңыз?
Ұнату
0
Ұнамайды
0
Күлкілі
0
Шектен шыққан
0
Соңғы жаңалықтар

20:25

19:49

19:05

18:48

18:02

17:28

16:41

16:12

16:03

15:57

15:34

15:15

15:09

15:00

14:33

14:11

14:03

13:49

13:45

13:41

12:32

11:55

11:29

11:15

11:11