Заңнамалық актілерге қос азаматтығын жасыратындар үшін жазаны қатайтатын түзетулер енгізіледі, деп хабарлады Аlmaty-akshamy.kz.
«Басқа елдің азаматтығын қабылдау кезінде зардаптарды болдырмау үшін өзге елге кеткен және сол елдің азаматтығын қабылдаған Қазақстанның азаматтары 30 күн ішінде Қазақстан Республикасының консулдығына азаматтықты жоғалтуды тіркеуге өтініш беруі керек», - деді Ш.Тұрлыбек Ішкі істер министрлігінің онлайн-брифингінде.
Айта кетейік, Қазақстан қос азаматтықты мойындамайды. Қос азаматтықты жасырғаны үшін 200 айлық есептік көрсеткішке дейін (690 мың теңге) айыппұл салынады немесе Қазақстаннан шығару қарастырылған.
ТМД-да қос азаматтықты анықтау жеңілірек болады.
«Өткен жылы қос азаматтығы үшін 841 адам әкімшілік жауапкершілікке тартылса, 138-і сот шешімімен елден шығарылды, қалғандарына айыппұл салынды», - деп нақтылады ІІМ ресми өкілі.
Соңғы бес жылда азаматтық заңнаманы бұзғаны үшін 3515 адам қылмыстық жауапкершілікке тартылса, оның 3 мыңнан астамына айыппұл салынып, 473-і елден қуылған. Қазақстан азаматтығы барлығына алынып тасталды.