Skyhansa» қазақстандық-германдық компаниясы «Қорғас – Шығыс қақпасы» арнайы экономикалық аймағында қуаты сағатына 500 адамға дейінгі жолаушылар терминалын, сыйымдылығы 550 мың тоннаға дейінгі отын қоймасын, жүктерді 250 мың тоннаға дейін толық өңдейтін жүк терминалын салу, әуе кемелеріне қызмет көрсететін авиация лық-техникалық орталық құру бойынша жобаны іске асыруда.
Сондай-ақ, 300-ден астам тұрақты жұмыс орынын құра отырып, халық үшін туристік және сауда, ойын-сауық қызметтерін дамыту жоспарланған. Жолаушылар әуе тасымалдары көрсеткішінің өсуі, маршруттардың артуы ішкі және шетелдік туризмді дамытады.
Бұл ел өңірлерінің инвестициялық тартымдылығын арттырады. Қазақстан авиациясы саласының дамуы мен халықаралық танылымы ұшу қауіпсіздігіне байланысты. ТМД елдері арасында ең жоғары көрсеткіш – Қазақстанда, еліміздегі ұшу қауіпсіздігінің халықаралық стандарттарына сәйкестік деңгейі 82%-ды құрайды. Бұл нәтижелер Қазақстандағы авиациялық туризмді дамытуға, сондай-ақ, еліміздің экономикалық әлеуетін нығайтуға және оның халықаралық аренадағы тартымдылығын арттыруға септігін тигізеді.