«Жанашыр» халықаралық қоғамдық қорының президенті Жаңыл Амантайқызы Апетова 16 тамызда өткен жария талқылауда атом электр станциясының құрылысын қолдады, деп хабарлайды aqshamnews.kz
«Мен де бір кездері қарсы болдым, өйткені халқымыздың түсінігінде тек Чернобыль апатының салдары ғана қалған. Сондықтан халық АЭС-тің басқа жақсы жақтарын, оның зиянсыз екенін, экологияға тигізетін пайдасын, әсіресе көмірқышқыл газдарының шығарындыларын азайтатынын және басқа да көптеген артықшылықтарын көрмейді,» — деп атап өтті ол.
Апетова шетелдік ақпаратты зерделей отырып, әлемнің 32 елінде 400-ден аса атом электр станцияларының сәтті жұмыс істеп отырғанына назар аудару қажеттігін айтты.
«Егер біз дамыған елдердің қатарына қосылғымыз келсе және еліміз үшін дұрыс шешім қабылдағымыз келсе, сауаттылығымызды арттырып, атом электр станциясының құрылысын қолдауымыз керек,» — деп ол өз замандастарын жобаны қолдауға шақырды.