Бұл туралы Қырғызстан министрлер кабинетінің төрағасы Ақылбек Жапаров айтты.
Қырғызстан су тасқынына байланысты Қазақстанға гуманитарлық көмек жіберуге ниетті, деп хабарлайды Almaty-akshamy.kz
Ол Бішкектегі ЖЭО апаты кезінде Қазақстан Қырғызстанға бірден көмек қолын созғанын атап өтті.
"Қазақстандықтар көмек сұрамаса да, біз оларға гуманитарлық көмек жібереміз. Сондай-ақ, осы мүмкіндікті пайдаланып, Өзбекстанға, Түрікменстанға және Қазақстанға алғысымды білдіргім келеді. Көрші мемлекет басшыларының жақсы саясатының нәтижесінде, біз олардан көмек көрсетуді сұрамастан, олар бізге қол ұшын созды.",- деді Ақылбек Жапаров.
Қырғызстан басшысының тапсырмасы бойынша гуманитарлық көмегі бар керуен қазір жөнелтуге дайындалуда.
"Бұл бойынша Төтенше жағдайлар министрі жұмыс істеп жатыр. Қазақстанға отандық өнімдер жіберіледі", - деді Жапаров.