Қазанда үстел теннисінен Ресей федерациясы командалық біріншілігінің алғашқы тур ойындары артта қалды. Суперлигада Қазақстан әйелдер командасы 18 қатысушы клуб ішінінен суырылып шықты деп жазады almaty-akshamy.kz
Сарвиноз Мирқадырова, Зауреш Ақашева, Анель Бахыт және Ангелина Романовская намысын қорғайтын ТTC «Astana» командасы сегіз ойынның жетеуінде жеңіске жетіп, 15 ұпаймен көш басына шықты.
Екінші және үшінші орынға 14 ұпай жинаған «Казаночка» (Қазан) және «Хван Ман-Гым» (Өзбекстан) командалары орналасқан.
Ерлер арасында 12 команда бақ сынап жатыр. Алан Құрманғалиев, Владислав Захаров және Эрик Райтерден жасақталған «TT Club Karaganda» клубы 9 ұпаймен екінші сатыда келеді.