Демалыс күндер азайды.
Үстіміздегі жылдан бастап, «Қазақстан Республикасындағы мерекелер туралы» заңға енгізілген түзетулерге сәйкес, желтоқсан айында болған екі мереке атап өтілмейді, деп хабарлайды Almaty-akshamy.kz.
Дәлірек айтқанда, Қазақстан Республикасының Тұңғыш Президенті күні – 1 желтоқсан мемлекеттік мерекелер тізбесінен алынып тасталды.
Сонымен қатар биылдан бастап Тәуелсіздік күні бір күн - 16 желтоқсанда ғана атап өтіледі. Заңның бұрынғы редакциясында 16 және 17 желтоқсан демалыс күндері болған.
Тиісінше, қазақстандықтардың желтоқсан айындағы демалыс күндері де азайып, 1 және 17 желтоқсан жұмыс күндері болды.
Алайда «қызыл даталарға» жаңа ұлттық мереке - 25 қазан - Республика күні қосылды.