Экологтар барлық ниет білдірушілерді осы ауқымды сенбілікке қатысуға шақырды.
18 қыркүйекте Қазақстанда World CleanUp Day 2021 шарасы өтеді, деп хабарлайды Almaty-akshamy.kz.
Аталмыш шараны Экология, геология және табиғи ресурстар министрлігі еліміздің барлық өңірлерінде өткізуді көздеп отыр. Бұл акцияның мақсаты – табиғатымыздың ластану проблемасына назар аудару және экологиялық мәдениетті қалыптастыру.
«Нұр-Сұлтан қаласындағы негізгі алаң болып Алматы ауданындағы Нұра-Есіл каналының бойындағы учаскесі анықталды. Акцияға қатысуға ниет білдірушілерді Б.Момышұлы көшесі, 1 мекенжайында сағат 09.00-де күтеміз. Сағат 09.30-да шығып кетеміз. Сенбіліктің басталуы сағат 10.00. Барлық ниет білдірушілерді осы ауқымды сенбілікке қатысуға шақырамыз!» – делінген Экология, геология және табиғи ресурстар министрлігінің баспасөз қызметінің хабарламасында.