Қазақстандық танымал блогер Қайсар Қамзаға ресми түрде іздеу жарияланды, - деп хабарлайды aqshamnews.kz тілшісі.
Құқықтық статистика және арнайы есепке алу органдарының порталында жарияланған мәліметке сәйкес, 1995 жылғы 18 қыркүйекте туған Қамза Қайсар Бақытжанұлы 2024 жылғы 10 қаңтардан бері іздестіріліп жатыр. Іздеу шараларын Қаржы мониторингі агенттігінің Астана қаласы бойынша экономикалық тергеп-тексеру департаменті жүргізіп жатыр.
qamqor.gov.kz
Қазір қылмыстық істің нақты мән-жайы мен айыптау бабы ресми түрде жарияланған жоқ.
Айта кетейік, Қайсар Қамза – әлеуметтік желілерде танымал блогер. Оның Instagram парақшасында 2,6 миллионнан аса оқырманы бар, ал TikTok-та 340 мыңнан асады.
