Қазақстан мектептерінде үшінші тоқсан аяқталуға жақын. Одан кейін оқушыларды оқу жылындағы ең ұзақ демалыстың бірі көктемгі демалыс күтіп тұр, – деп хабарлайды aqshamnews.kz тілшісі.
2026 жылы көктемгі каникул 11 күнге созылады - 19–29 наурыз аралығы (қоса алғанда).
Демалыс алдындағы соңғы оқу күні - 18 наурыз, ал оқушылар 30 наурызда мектепке қайта оралып, төртінші тоқсанды бастайды. Бұл үзіліс балалардың соңғы кезеңге дейін толық күш жинауына мүмкіндік береді.
Қазақстанда оқу бағдарламасы төрт тоқсанға бөлінеді. Биыл үшінші тоқсан 10 апта болған. Бекітілген күнтізбеге сәйкес, төртінші тоқсан қысқарақ - шамамен 8 апта. Ол 2026 жылдың 25 мамырында аяқталады, содан кейін жазғы каникул басталады.