Германияның Инцелль қаласында өтіп жатқан жасөспірімдер арасындағы әлем чемпионатында қазақстандық Кристина Шумекова тағы бір мәрте топ жарып, екінші алтын медалін жеңіп алды, деп хабарлайды Aqshamnews.kz тілшісі.
Кристина Шумекова бұл жолы 1500 метр қашықтықта бақ сынап, 1:56.06 уақыт көрсеткішімен мәреге бірінші болып жетті. Осы нәтижесі арқылы ол өзінің жеке рекордын да жаңартты.
Айта кетейік, бұған дейін спортшы 500 метрлік қашықтықта да қарсыластарынан озып, алтын медаль иеленген болатын. Осылайша, оның қоржынында жасөспірімдер арасындағы әлем чемпионатының екі бірдей алтыны бар.
1500 метр қашықтықтағы жарыс қорытындысы бойынша:
1-орын – Кристина Шумекова (Қазақстан) – 1:56.06;
2-орын – Джанин Роснер (Австрия) – 1:56.36;
3-орын – Аяно Секигучи (Жапония) – 1:57.97.
Сондай-ақ бұл қашықтықта ел намысын қорғаған өзге спортшылар да сынға түсті. Анастасия Беловодова 13-орынға тұрақтаса, Алина Шумекова 28-орынды, Варвара Глухова 32-орынды иеленді.