Аса ірі көлемде алаяқтық жасағаны үшін халықаралық іздеуде жүрген күдікті қолға түсті.
Ішкі істер министрлігінің Интерпол Ұлттық орталық бюросының сұрауы бойынша алаяқтық жасаған Түркия Республикасының азаматы Черногорияның Будва қаласында ұсталды, деп хабарлайды aqshamnews.kz.
Polisia.kz мәліметінше, 2022 жылдың қазан айынан 2024 жылдың маусымына дейін ер адам Қазақстандағы ЖШС-лердің бірінің директоры бола отырып, пайдакүнемдік ниетпен қызметтік өкілеттіктерін асыра пайдаланып, бірқатар алаяқтық әрекеттер жасаған.
Ол басқа ЖШС-лерге тиесілі қаражат пен мүлiктi иемденген. Келтірілген жалпы шығын бес миллиард теңгеден асады.