Қазақстандық спортшы Нұржан Батырбеков Қытайда өтіп жатқан Азия жағажай ойындары-2026 жарысында алтын медаль жеңіп алды, деп хабарлайды Aqshamnews.kz.
Ұлттық олимпиада комитетінің мәліметінше, Нұржан Батырбеков джиу-джитсудан 69 келіге дейінгі салмақ дәрежесінде өнер көрсетті.
Финалда ол Оңтүстік Корея өкілі Ли Джэенмен кездесіп, 2:0 есебімен жеңіске жетті. Осылайша қазақстандық спортшы жеңіс тұғырының ең биік сатысына көтерілді.
Осы салмақта тағы бір қазақстандық Алинұр Қуатұлы қола жүлдегер атанды. Бұған дейін Батыр Теңізбай да қола медаль жеңіп алған еді.
Осылайша Қазақстан құрамасының қоржыны Азия жағажай ойындарында джиу-джитсудан бірнеше медальмен толықты.