Жолдауда көрсетілген негізгі мақсаттар сөз болды.
Қазақстанның діни бірлестіктер өкілдері жиналысының кезекті отырысында Мемлекет басшысының «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауында көрсетілген негізгі мақсаттарды талқылады, деп хабарлайды Almaty-akshamy.kz.
«Іс-шараға ҚР АҚДМ Дін істері комитетінің, «Конфессияаралық және өркениетаралық диалогты дамыту жөніндегі Н.Назарбаев Орталығының» басшылығы, сондай-ақ Қазақстан діни бірлестіктерінің өкілдері қатысты», – делінген Ақпарат және қоғамдық даму министрлігінің баспасөз қызметінің хабарламасында.
Кез келген қазақстандықтың әлеуметтік мәртебесіне, саяси көзқарасына, ұлтына және діни сеніміне қарамастан, елде үйлесімді этносаралық және конфессияаралық қатынастар қалыптасқандығын барлық азаматтар бағалау керек деген пікір отырысқа қатысушыларға ортақ екендігін көрсетті.