ҚР Президенті жанындағы Орталық коммуникациялар қызметінде "Жер ресурстарын ұтымды пайдалануды бақылау" тақырыбында баспасөз конференциясы өтті.
ҚР АШМ Жер ресурстарын басқару комитетінің төрағасы Мұрат Теміржанов Президент Қасым-Жомарт Тоқаевтың жерді қайтару жөніндегі тапсырмасын орындау аясында атқарылған жұмыстардың қорытындыларын айтты. Мемлекет басшысы өзінің 2022 жылғы қыркүйектегі Жолдауында 10 млн га пайдаланылмаған немесе заңнаманы бұза отырып берілген жерлерді қайтару міндетін қойды. Мемлекеттік қорға 12,1 млн га жер қайтарылды. 9,4 млн га алаңда 4 731 жоспардан тыс тексеру жүргізілді.
"Негізгі мәселелерідің бірі-жердің деградациясы. Бүгінгі таңда шамамен 30 миллион га эрозиядан және басқа да жағымсыз процестерден жер деградацияға ұшыраған. Осы бағытта жұмыс істеу үшін бірыңғай топырақ кластерлік қызметі құрылды.
205 млн гектар алқапта цифрлық ауыл шаруашылығы карталарын жасау бойынша жұмыстар аяқталды.
Сонымен қатар, 2024 жылы Парламентке топырақты қорғау туралы заң жобасы жіберілді, ол жердің сапасын сақтау және оның тозуын болдырмау жөніндегі мемлекеттік саясаттың негіздерін белгілейді", - деді.
Сонымен қатар, спикер үш жыл ішінде жер ресурстарын ұтымды пайдалануға бағытталған ауқымды жұмыс атқарылғанын атап өтті.
Заңнамалық шаралар қабылданды, топырақ және геоботаникалық зерттеулер аяқталды, сондай-ақ ауыл шаруашылығы алқаптарының цифрлық дерекқоры құрылды.
Бұл бағыттағы жұмыс жалғасатын болады. Жердің деградациясына қарсы күрес, көміртекті шаруашылықты дамыту, инновациялық технологияларды енгізу және халықаралық ынтымақтастықты нығайту басым міндеттер болып қала береді.