Қазақстан қандастарға тегін білім беруге дайын.
Тек көршілес өзбек еліндегі отандастарымыз республиканың 7 университетінде оқи алады. Бұл туралы қазақстандық жоғары оқу орындарының Ташкенттегі жергілікті қазақтармен кездесуі барысында айтылды, деп хабарлайды Almaty-akshamy.kz.
Айта кетейік, қазақстандық білім ордалары қандастарға тарихи отанда білім алу мүмкіндігін тұрақты түрде ұсынып келеді. Мемлекеттік гранттар бойынша бөлінетін квотаның 4 пайызы шет елдегі қазақтарға тиесілі.
«Бізде, мәселен, 128-ге жуық ЖОО болса да, оқитын балалар көп. Сондықтан бұларды шетелде де оқытып жатырмыз. Қазақстаннан 7 университет келіп, жастарымызды оқуға тартып жатқанына ризамыз. Осындай барыс-келісіміз жоғалмасын», - дейді Өзбекстандағы қазақ мәдени орталығының төрағасы Серікбай Үсенов.