Жаңа комитет судың "қара нарығымен" күресті күшейту мақсатында құрылды, деп хабарлайды аlmaty-akshamy.kz.
Қазақстанда жаңа комитет құрылды, деп хабарлайды Су ресурстары және ирригация министрлігі.
"Судың "қара нарығымен" күресті күшейту мақсатында Су ресурстары және ирригация министрлігінде жаңа ведомство – Су ресурстарын реттеу, қорғау және пайдалану комитеті құрылды", – делінген хабарламада.
Жаңа комитет суды заңсыз пайдалану және оны есепке алу деректерінің бұрмалануы, сонымен қатар еліміздің су нысандарындағы құқыққа қайшы шаруашылық қызметпен күреседі.
Оқи отырыңыз: Қазақстан Ұлттық Олимпиадалық комитеті жұмысын жаңа құраммен жалғастырады
"Министрлік суды заңсыз пайдаланумен белсенді күрес іс-шараларын қолға алды. Бұл мәселе ерекше бақылауда. Жаңа комитеттің жұмысы құқық бұзушылықтардың алдын алуға және еліміздің су ресурстарын қорғауға бағытталған. Бұл жұмыстар заңнамаға енгізілетін өзгерістермен бірге судың "қара нарығына" қарсы күресті едәуір күшейтуге тиіс", – деді Су ресурстары және ирригация министрі Нұржан Нұржігітов.