Business.enbek.kz порталында 20 мамырдан бастап 1-кезең бойынша бизнес-идеяларды іске асыру үшін гранттар алуға өтінімдер қабылдау басталады, деп хабарлайды аlmaty-akshamy.kz.
Республика бойынша бірінші кезіңде 4 500 адамға грант беру жоспарлануда. Гранттар қайтарымсыз негізде беріледі, нысаналы мақсаты жаңа бизнесті бастау және дамыту болып табылады. Грант көлемі 400 АЕК-ті (1 476 800 теңге) құрайды. Әр қатысушы оны тек бір рет ала алады.
Грант қаражаты ісін жаңа бастаған кәсіпкерлерге өздерінің бизнес-әлеуетін ашуға, өндірісті жолға қоюға және дамытуға, сол арқылы өзін тұрақты табыспен қамтамасыз етуге мүмкіндік береді.