Елдегі жоғары сапалы интернет желісін кеңейту жоспары туралы Цифрлық даму, инновациялар және аэроғарыш өнеркәсібі министрі Жаслан Мәдиев айтып берді.
Үкімет отырысында министр баяндаған слайдта көрсетілгендей, Kuiper (Amazon) интернетін Қазақстанда 2027 жылы енгізу жоспарланып отыр, - деп хабарлайды Aqshamnews.kz.
Аталған жаңашылдықты Цифрлық даму, инновациялар және аэроғарыш өнеркәсібі министрлігінің баспасөз қызметінен нақтылаған едік.
— Өткен жылы қыркүйекте министрлік Kuiper (Amazon) компаниясымен спутниктік байланыс қызметін ұсыну туралы меморандумға қол қойды. Биыл дайындық жұмысы жүріп жатыр, — деген жауап алдық ведомстводан.