Жаңа Қазақстан жасай берсін!
Президент Қасым-Жомарт Тоқаевтың Қазақстан халқына Жолдауы еліміздің Тәуелсіздік тарихында ең басты Жолдаулардың бірі ретінде қалатыны сөзсіз. Бұл жай ғана саяси реформалар емес, Қазақстанның демократиялық институттарын нығайта түсетін МЕГАЖАҢҒЫРУ. Ол көптеген салаларға – саясатқа, азаматтардың әлеуметтік жақсаруына, мемлекеттік органдарға, Парламенттің қос палатасына, партияларға, қоғамдық ұйымдарға, бизнеске, құқық қорғау органдарына, т.б. әсер етті. Мемлекет басшысы өзінің демократиялық ұстанымын көрсетіп, елдегі саяси үдерістерге ықпал ету тетіктерін Қазақстан Президентінен, өзінен алып тастауды ұсынды. Бұл қадамының болашақты демократияландыруға септігін тигізетінін атап өтті. Саяси партияларды тіркеу жойылды, одан кейінгі барлық деңгейдегі депутаттар сайлауында жаңа принцип болады, Қазақстан халқы Ассамблеясының Парламенттегі рөлі де өзгерді. Бұл деген орасан өзгерістер.
Сондай-ақ Дінмұхамед Ахметұлы Қонаевтың құрметіне еліміздің картасында жаңа белес, жаңа облыстар, қалалар пайда болды. Атақты индустриалды-курорттық қала Қапшағай қазақ қоғамына орасан зор үлес қосқан көрнекті саяси қайраткердің есімімен аталатын болады. Өйткені, болашақ ұрпақ өз батырларының, оның ішінде саяси тұлғалардың есімдерін білуі керек. Жаңа облыстарымыздың құрылуымен құттықтаймыз.
Кең қоғамдық диалог институтын құру идеясы қызықты болды. Бұл - белгілі қоғам қайраткерлерінен тұратын «Ұлттық құрылтай» жаңа алаңы. Бұл - қоғамдағы түйткілді мәселелерді кеңінен мемлекеттік деңгейге көтерудің жақсы құралы.
Сөзімді Жаңа Қазақстанның азаматы ретінде Қасым-Жомарт Кемелұлына деген сенімімді білдіретін Мемлекет басшысының сөзімен аяқтағым келеді: «Қандай жағдай болса да, Президент әрқашан халқымен бірге!»