Қасым-Жомарт Тоқаевқа табыс тіледі.
Қазақстан Президенті Қасым-Жомарт Тоқаевты Өзбекстан және Қырғызстан басшылары кезектен тыс өткен Президент сайлауындағы айқын жеңісімен құттықтады, деп хабарлайды Almaty-akshamy.kz Ақорданың баспасөз қызметіне сілтеме жасап.
Қазақстан және Өзбекстан Президенттері екі елдің стратегиялық серіктестігі мен одақтастығының қазіргі жағдайын және даму перспективаларын талқылады. Сондай-ақ алдағы кездесулердің кестесін қарастырды.
Мемлекет басшысы Қасым-Жомарт Тоқаев құттықтағаны үшін Қырғызстан Президенті Садыр Жапаровқа ризашылығын білдіріп, екі ел арасындағы көпжақты қарым-қатынасты одан әрі нығайта беретініне ниетті екенін жеткізді.
Әңгімелесу барысында тараптар қазақ-қырғыз стратегиялық серіктестігі мен одақтастығы қарқынды дамып келе жатқанын атап өтті.