Сауд Арабиясына жұмыс сапары барысында Қазақстан Республикасының Өнеркәсіп және құрылыс министрі Қанат Шарлапаев Al Masane al Kobra Mining Company (AMAK) Бас директоры Мұхаммед Абаллаламен екіжақты кездесу өткізді.
Сауд Арабиясының жетекші жеке тау-кен компаниясы AMAK өкілдерімен кездесу екі ел арасындағы ынтымақтастықтың жаңа көкжиегін ашады, деп хабарлайды Almaty-akshamy.kz ҚР Өнеркәсіп және құрылыс министрлігіне сілтеме жасап.
Өз дамуының жаңа кезеңіндегі Қазақстан қатты пайдалы қазбалар бойынша жер қойнауын пайдалану саласын белсенді дамытуда. Ел тартымды инвестициялық ахуалды және бизнесті қолдаудың ашық жүйесін ұсынады, бұл оны әлемдік аренада маңызды серіктес етеді. Қазақстанда жер қойнауын пайдалануды дамыту туралы ұсыныс ел ресурстарының байлығымен және "AMAK" тобының мыс пен мырышты өндіруге және барлауға қызығушылығымен ерекшеленеді. Министр мен бас директор тау-кен өндіру саласын дамыту және Қазақстан мен Сауд Арабиясы арасындағы өзара тиімді байланыстарды нығайту перспективаларын атап өтіп, одан әрі жемісті ынтымақтастыққа дайын екендіктерін растады.
Бұдан әрі сапар аясында Қанат Шарлапаев "Ajlan & Bros Holding Group Abilitii" холдингтік тобының директорлар кеңесінің төрағасы Аджлан бин Абдулазиз әл-Аджланмен кездесті. Талқылау Қазақстан мен Сауд Арабиясы арасындағы, атап айтқанда жер қойнауын пайдалану саласындағы бірлескен жұмыстың маңыздылығына бағытталған. Тараптар жергілікті делегацияның еліміздің әлеуетіне мүдделілігін және ұзақ мерзімді ынтымақтастыққа дайындығын растай отырып, өзара тиімді әріптестікті дамыту мүмкіндіктері туралы пікір алмасты.
Өнеркәсіп және құрылыс министрінің келесі кездесуінде алтынды өндіру және қайта өңдеу саласындағы жетекші компания "Saudi Gold Refinery" бас директоры – Сулиман Әл-Отейммен бірлескен бастамаларды дамыту мүмкіндіктері талқыланды. Екі тарап Қазақстан мен Сауд Арабиясы арасындағы әріптестікті нығайтуға бағытталған диалогты жалғастыруға және болашақта бірлескен жобалардың мүмкіндіктерін зерттеуге ниетті екендіктерін білдірді
Министрдің кезекті екіжақты кездесуінде Қазақстанда құбыр өндірісін оқшаулау бойынша AHQ Group Overview өкілдерімен ынтымақтастық перспективалары талқыланды. Басты назар елдегі өнеркәсіпті дамытудың маңыздылығына аударылды.AHQ Group Overview-Сауд Арабиясының мұнай-газ және мұнай-газ химиясы өнеркәсібінде, сондай-ақ құбырлардың коррозиясын бақылау, болат құбырларын өндіру, суды химиялық өңдеу, шегелер және мырышталған сым өндірісі, сондай-ақ өнеркәсіптік және медициналық газ сегменттері және азық-түлікті үлкен көлемде орау қызметтері саласында маманданған ірі компаниялар тобы. Бүгінгі таңда бұл қызмет бағыттары топтың жалпы бизнес құрылымында маңызды рөл атқарады.
Өткізілген кездесулер мен Қазақстанның Сауд Арабиясымен өзара іс-қимылының жаңа көкжиектері инвестициялауға, экономикалық байланыстарды нығайтуға және озық технологиялармен алмасуға ықпал ете отырып, екі ел арасындағы стратегиялық қатынастардың маңыздылығын атап көрсетеді.