Арнайы қызмет шығынды есептеп, контрабандаға қатысы бар өзге адамдарды анықтап жатыр.
Қырғызстанның арнайы қызметтері контрабандистің көлігінен 170 миллион теңгеге бағаланған алтын құймаларды тапты, деп хабарлайды aqshamnews.kz
Қырғыз Республикасының Ұлттық қауіпсіздік мемлекеттік комитетінің мәліметінше, салмағы 3 килограмнан асатын алтын құймаларды заңсыз жолмен Қазақстанға шығаруға әрекеттенген.
«17 қыркүйек күні „Кен-Булун“ бақылау-өткізу пунктінде Қазақстанға бағыт алған Lexus көлігі тоқтатылды. Көліктен 3,3 кг алтын құймалар табылды. Алтын иесінде рұқсат құжаттары болмаған»,-деп хабарлады Қырғызстанның ҰҚМК.