Қазақстан және Әзірбайжан президенттері Бірлескен мәлімдеме қабылдады, - деп хабарлайды aqshamnews.kz Ақордаға сілтеме жасап.
Келіссөз қорытындысы бойынша президенттер Қазақстан Республикасы мен Әзірбайжан Республикасының арасындағы Стратегиялық серіктестік және одақтастық қатынастар туралы шарттың қол қойылғанына 20 жыл толуына орай Бірлескен мәлімдеме қабылдады.
Жалпы, Әзірбайжан Президентінің Қазақстанға мемлекеттік сапары аясында энергетика, көлік-логистика, цифрландыру, жасанды интеллект, өнеркәсіп қауіпсіздігі, денсаулық сақтау, статистика салаларындағы және мәдени-гуманитарлық байланыстар бағытындағы ынтымақтастық жөнінде 15 құжатқа қол қойылды.