Моңғолияның ұлттық мерекесіне орай ұйымдастырылған күрес сайысында Баян-Өлгий қазағы Серік Бердімұратұлы мемлекеттік піл дәрежелі палуан атағына ие болды.
Серік Бердімұратұлы жасыл алаңда Э.Сумьяабат (6-кезең), Ц.Төмөрцоож (5-кезең), П.Даваадорж (4-кезең), Ш.Чинтулга (3-кезең), Б.Өлзийсайхан (2-кезең), Э.Дашзэвэг (1-кезең) атты палуандарды айқын басымдықпен ұтқан, деп хабарлайды Almaty-akshamy.kz Elorda.info-ға сілтеме жасап.
Баян-Өлгий аймағының тумасы Мемлекеттік начин (қаз. лашын) Серік Бердімұратұлы күрестің 7 кезеңінде мемлекеттік заан Доржийн Анарды жығып, мемлекеттік «заан» яғни мемлекеттік піл дәрежелі палуан атағына ие болды.
Айта кетсек, Серік Бердімұратұлы 1994 жылы туған. Салмағы 110 келі. 2011 жылы аймақтық піл дәрежелі палуан, 2013 жылы аймақтық арыстан дәрежелі палуан, 2017 жылы мемлекеттік лашын дәрежелі палуан атанған.