Қарағанды қаласында 12 қабатты тұрғын үйде болған өрт салдарынан ер адам көз жұмды, деп хабарлайды Aqshamnews.kz тілшісі.
Қарағанды облысы Төтенше жағдайлар департаментінің мәліметінше, өрт бесінші қабаттағы пәтерде шығып, жиһаз бен тұрмыстық заттар жанған.
Құтқарушылардың күшімен подъездегі пәтерлерден арнайы құтқару қалпақтарының көмегімен 8 адам, оның ішінде 5 бала аман шығарылды.
Сондай-ақ баспалдақ арқылы 15 адам эвакуацияланған. Алайда өрт салдарынан 1997 жылы туған ер адам түтінге уланып, қайтыс болды.
Эвакуацияланған тұрғындарды жылыту үшін көшеде арнайы «вахтовка» көлігі жұмылдырылды.
Өрт 5 шаршы метр аумақта сөндірілді. Қазіргі уақытта оқиғаның себептері анықталып жатыр.
