Қарағанды облысында табиғатты қорғау полициясы мен "Карохотрыбпром" ЖШС бірлескен түнгі рейд барысында екі ер адамды заңсыз аңшылық жасады деген күдікпен ұстады, деп хабарлайды Aqshamnews.kz тілшісі.
Бұл туралы Қазақстан Республикасы Ішкі істер министрлігінің ресми интернет-ресурсы хабарлады.
Мәліметке сәйкес, Қарағанды қаласының 48 және 40 жастағы тұрғындары түнгі сағат екі шамасында қолға түскен. Олардың аңшылыққа рұқсат беретін лицензиясы болғанымен, тіркеуден өтпегені анықталды. Мұндай тіркеу аң аулау квотасын бақылау және браконьерліктің алдын алу үшін қажет.
Оқиға орнынан екі бірдей киік тушасы, бір ұңғылы мылтық және оқ-дәрілер тәркіленді.
Аталған дерек бойынша қылмыстық іс қозғалып, сотқа дейінгі тергеу жүргізіліп жатыр.
