Оң жақты рөлді автокөліктерге жолаушы тасымалдауға тыйым салынатын болды
Қазақстан Республикасының Көлік министрі Марат Қарабаев 1 қаңтардан бастап такси саласына енгізілетін жаңа өзгерістер туралы мәлімдеді, деп хабарлайды aqshamnews.kz
Министрдің айтуынша, такси қызметін көрсететін компаниялармен жасалған меморандумға сәйкес, оң жақты рөлді автокөліктерді пайдаланатын жүргізушілерді жолаушы тасымалдау қызметтерінен шеттетіледі.
«Оң жақты рөлді автокөліктерді такси қызметінде пайдалану заңға қайшы, сондықтан InDrive және Yandex секілді компаниялар өз жүйелерінде мұндай көліктерді тіркемейді. 1 қаңтарға дейін Yandex және InDrive өз платформаларында инвентаризация жүргізіп, оң жақты рөлді көліктерді анықтап, олардың қызметін шектейтін болады», – деді Марат Қарабаев үкіметтегі баспасөз конференциясында.
Министрдің айтуынша, бұрын оң жақты рөлді болып, кейін сол жақты рөлге қайта жасалған көліктер де қауіпсіз емес, сондықтан олар да қызметтерден шеттетіледі.
«Агрегаторлар мұндай көліктерді де анықтап, 1 қаңтардан бастап оларды қызметтерінен шеттетеді», – деп толықтырды министр.
Сондай-ақ, министрлік жол қозғалысы ережелерін үнемі бұзатын жүргізушілердің тізімін агрегаторларға беретін болады, бұл жүргізушілер де жүйеден ажыратылады.
Ал, серіктермен бірге жүрген жүргізушілер үшін қалааралық қашықтықты 50 км-ге дейін шектеу туралы ұсыныс тек жұмыс тобындағы бір мүше тарапынан жасалған ұсыныс екенін министр атап өтті.
«Бұл түзету талқыланып жатқан жоқ және талқыланбайды да. Қазіргі талқылау кезеңінде мұндай шектеулер қарастырылмаған. Қашықтыққа қатысты нақты бір шектеу енгізу жоспарланбаған, және бұл мәселе бойынша қоғамдық тыңдаулар өткізу де қарастырылмаған. Айта кетерлігі, екі апта бұрын Indrive компаниясының құрылтайшысымен кездесу өтті, және менің ойымша, компания басшылығының ең басты мақсаты — қозғалыс қауіпсіздігін қамтамасыз ету», – деді Марат Қарабаев.