Бұл айда екі мереке болады.
Жаңа жыл мен православтік Рождество мерекесіне байланысты 2024 жылдың қаңтарында қазақстандықтардың қанша күн демалатыны белгілі болды, деп хабарлайды Almaty-akshamy.kz
Биылғы Жаңа жылда қаңтардағы демалыс күндері өте қысқа - 1 және 2 қаңтар. 3 қаңтарда жұмысқа барамыз.
Жалпы қазақстандықтардың Жаңа жылды тойлауға 4 күні бар:
бес күн жұмыс істейтіндер 2023 жылғы 30, 31 желтоқсан, 2024 жылғы 1 және 2 қаңтар күндері демалады;
алты күн жұмыс істейтіндер 2023 жылғы 31 желтоқсан, 2024 жылғы 1 және 2 қаңтар күндері демалады.
2024 жылы Рождество күні жексенбіге түседі. Сондықтан осы маусымда қосымша демалыс күні болмайды.
Осылайша, Рождество кезінде:
бес күн жұмыс істейтіндер 6 және 7 қаңтар күндері;
алты күн жұмыс істейтіндер: тек 7 қаңтар күні демалады.