Қазақстан Республикасының Индустрия және құрылыс министрі Қанат Шарлапаев журналистерге берген сұхбатында, Қазақстанда өндірілетін тұрмыстық техниканың шетелдік өнімдерден кем емес екенін атап өтті.
Ол барша қазақстандықтарды елімізде өндіріліп жатқан отандық өнімдерге назар аударуға шақырды, деп хабарлайды aqshamnews.kz.
«Бұл – қазақстандықтардың таңдау мәселесі. Егер олар отандық техниканы сатып алғысы келсе, сатып ала алады. Ал егер шетелдік өнімдерді қаласа, оларды да алу мүмкіндігі бар. Мен экономикалық патриотизм түсінігін өте жақсы көремін. Бұл көптеген нәрселерді қамтиды, ең алдымен, отандық өндірушілерге басымдық беруді. Енді елімізде өнеркәсіптің бар екенін мойындаудың уақыты келді. Бұл сала көлемі және ЖІӨ-ге қосқан үлесі жағынан тау-кен өнеркәсібімен тең. Бұл да экономикалық патриотизм», – деді Шарлапаев.