Алматыда 15 қыркүйек күні сағат 19:00-де Қала күніне орай және Абай атындағы қазақ ұлттық опера және балет театрының алдында жаңа «Мұра» театр маусымы басталуына қатысты гала-концерт өтеді. Оған Қазақстанның Халық әртісі Нұржамал Үсенбаева, Қазақстанның еңбек сіңірген қайраткерлері Жәмилә Баспақова, Гүлзат Даурбаева, «Құрмет» орденінің иегері Зарина Алтынбаева, халықаралық байқаулардың жеңімпаздары Нұржан Бажекенов, Фархад Кубиев, Венера Алпысбаева және басқа да опера және балет жұлдыздары қатысады, деп хабарлайды aqshamnews.kz
Айта кетерлігі, осы іс-шараның өтуіне байланысты 15 қыркүйекте сағат 17:00-ден 23:00-ге дейін Абылай хан даңғылынан Назарбаев даңғылына дейін Қабанбай батыр көшесі жабылады деп күтілуде.
Гала-концертті ұйымдастырушылар Абай атындағы ҚҰОБТ-ы мен Алматы қаласының әкімдігі концерттік бағдарламаның әрбір нөмірі ашық кеңістік үшін көркем ойластырылған опералар мен балеттердің үздік үзінділері екенін атап өтті. Ашық аспан астындағы айналмалы сахнада көрермендерге классикалық және заманауи сценография әлемінің үздіктері ұсынылады. Гала-концерттің дирижері-Қазақстанның еңбек сіңірген қайраткері Нұржан Байбосынов.
Сонымен қатар, өнер ошағының жаңа 91 маусымы мен Қала күнінің басталуына арналған іс-шаратұрғындар мен қонақтарға ұмытылмас жарық шоуын ұсынады. Оны жасау үшін танымал жарық суретшісі, беделді «Алтын маска» театр сыйлығының иегері, көптеген халықаралық жобалардың қатысушысы Татьяна Мишина шақырылды.
«Абай атындағы театр - өнердің бірегей бесігі. Оның басты мақсаты – болашақ ұрпаққа киелі сахна виртуоздарының шеберлігін ояту, 90 жылдық әдемі дәстүріміздің көрнекі жаңалығын қалыптастыру, сүйікті көрермендерімізбен байланысты нығайту және театрдың терең тарихын байыту», - деп атап өтті Абай атындағы ҚҰОБ-ның директоры Айнұр Көпбасарова.
Өтетін орны: Абай атындағы қазақ ұлттық опера және балет театры алдындағы алаң (Қабанбай батыр көшесі, 110).
