Ертең УЕФА Чемпиондар лигасының жеребе тарту рәсімі өтеді және сол жерде «Қайраттың» келесі қарсыластары анықталады, деп хабарлайды aqshamnews.kz
Футбол клубтары рейтингтеріне байланысты төрт себетке бөлінген. Алматылық клуб төртіншісіне түсті. Ал ең азулы командалар бірінші себетте. Атап айтқанда, ПСЖ, «Реал», «Манчестер Сити», «Бавария», «Ливерпуль», «Интер», «Челси», «Боруссия» және «Барселона» бар. Олардың екеуі қазақстандық клубқа қарсылас атанады. Екінші себетке «Арсенал», «Байер», «Атлетико», «Ювентус» ал, үшінші себетке «Тоттенхэм», ПСВ, «Аякс», «Наполи» сияқты танымал командалар кірді және олар да «Қайратпен» кездесуі әбден мүмкін.