Бүгін Алматыда УЕФА Чемпиондар лигасы аясындағы "Қайрат" – "Реал Мадрид" матчі өтеді. Орталық стадион алдында не болып жатыр? Толығырақ Аqshamnews.kz материалында.
Жанкүйерлер жиналып жатыр
Дәл қазір Орталық стадион алдында жанкүйерлер жиналып жатыр. Тарихи матч алдындағы жағымды дүрбелең әр бұрыштан сезіледі. Абай көшесінің бойы толықтай "сары-қара" түсіке боялды.
Бүгін "Қайратқа" тек алматылықтар емес, күллі қазақ тақымын қысып, қолдау білдірмек. Әйгілі корольдік клуб "Реал Мадрид" ФК-на қарсы тарихи матч үшін жиналған жанкүйерлердің қарасы көп. Матчқа дейін әлі бірнеше сағат бар. Десе де, Абай-Байтұрсын қиылысынан нағыз мерекелік вайб сезіледі.
"Қайрат" жанкүйерлері ерекше бейнеде креативтерін көрсетіп жатыр. Бірі беттеріне аквагрим салдырып, енді бірі "қыпшақ батыр" бейнесіндегі бетперделермен жүр.
"Қайраттың жеңісіне сенемін!"
Алматыдағы матч алдында Бауыржан есімді жанкүйер де Қайратқа қолдау білдіріп:
"Мен Қайраттың 1974 жылдан бері жанкүйерімін. Бүгін жеңіске әбден лайықпыз, жеңіс бізде!", — деп сенім білдірді.
Сондай-ақ, "Қайратқа" жанкүйер болуға Қазақстанның түкпір-түкіпірінен жұрт жиналып жатыр. Солардың бірі Шымкенттік Нұрсұлтан:
"Қайратқа" жанкүйер болуға Шымкенттен келіп тұрмын. Жеңіске сенеміз! Тек алға!", -деді ол.
Полиция жағдайды бақылауда ұстап отыр
Десе де Алматы полициясы матч маңына жиналған жұртты қатаң қадағалап тұр. Жер-жерге көз салсаңыз да тәртіп сақшыларын байқауға болады.
суреттер: Қайрат Қонысбаев