Алматылық «Қайрат» клубының бас бапкері Рафаэль Уразбахтин ойыншыларға сыйлық беруге қарсы екенін айтты, деп хабарлайды Aqshamnews.kz.
«Әрине, кәсіпкерлерге сыйлық беруге тыйым сала алмаймыз. Бірақ бір ойыншыны бөліп-жару да дұрыс емес. Өйткені бұл – командалық спорт.
Менің ойымша, көмектескілері келсе, мысалы, клубқа көмектессін. Сыйлық бергілері келсе, бәріне бірдей берсін. Ол кісілерге ақыл айта алмаймын, алайда олай істемеген абзал болар еді», – деді «Қайрат» бас бапкері.
Осыған дейін қазақстандық кәсіпкерлер бапкердің өзіне және қақпашылар Шерхан Қалмырза мен Темірлан Анарбековке көлік тарту еткен еді.