Ол - отбасындағы зорлық-зомбылық мәселелерімен айналысқан заңгер.
«Қазақ аналары — дәстүрге жол» қоғамдық бірлестігі президент сайлауына Салтанат Тұрсынбекованың кандидатурасын ұсынды, деп хабарлайды Almaty-akshamy.kz
«Иә, бүгін мені президенттікке ұсынды. 11 қазан үміткерлерді ұсынудың соңғы күні екенін білеміз. Бірақ жұмыс күні кешкі сағат 18:00-ге дейін ғой, уақыт әлі бар. Заң бойынша бүгін құжат тапсырамыз», - деді Тұрсынбекова Sputnik Қазақстан тілшісіне берген сұхбатында.
Заңгер Салтанат Тұрсынбекова отбасындағы зорлық-зомбылық мәселелерімен айналысқан. Әйелге қол көтеретін басбұзарларды қоғамдық бақылау институттарын құру бастамасын да көтерген.
Тұрсынбекова Астана қаласының қоғамдық кеңесіне кіреді. Бұдан бөлек, Президент жанындағы әйелдер істері және отбасы-демографиялық саясат ұлттық комиссияның мүшесі.
Бас прокурордың маңызды істер жөніндегі аға көмекшісі болған. «Отбасындағы зорлық-зомбылықсыз Қазақстан» жобасына жетекшілік етті.