Үкіметтің ресми парақшалары ашылмай тұр
ҚР Премьер-министрі ресми сайтының желідегі парақшаларына фишингтік шабуыл жасалды. Бұл туралы ҚР Премьер-министрі баспасөз қызметінің басшысы Зарина Нұрланова Facebook-тегі парақшасында жазды деп хабарлайды Almaty-akshamy.kz.
«Құрметті Facebook қолданушылары! ҚР Премьер-министрі ресми сайтының ресми парақшалары @primeminister.kaz @primeminister.kz @PrimeMinister.int фишингтік шабуылға байланысты уақытша қолжетімсіз екенін хабарлаймыз. Қазіргі уақытта Facebook платформасымен аккаунттарды қалпына келтіру туралы келіссөздер жүргізіліп жатыр. Барлық ақпаратты PrimeMinister.kz сайтыннан және Twitter, Vk, Instagram желілеріндегі ресми аккаунттарынан біле аласыздар», - деп жазды Зарина Нұрланова.