Қытайдың Pinduoduo платформасынан ойыншық тасбақаларға тапсырыс берген қазақстандық отбасы күтпеген жағдайға тап болды, - деп хабарлайды Aqshamnews.kz.
Келген тапсырысты ашқанда балалар кәдімгі пластик ойыншықтарды көреміз деп ойлаған. Алайда қораптың ішінен тірі тасбақалар шығып, қозғала бастағанда бүлдіршіндер қатты абыржып қалған.
Оқиға әлеуметтік желілерде кең талқыланып, қолданушылар түрлі пікір қалдыруда.
"Бұл не масқара, жануарларға жасалған қатыгездік", "Сатушы мұны әдейі жасаған сияқты, бірақ олар тірі жетеді деп ойлады ма екен?", "Қабығындағы бояуды шұғыл тазарту керек, өскен сайын бояу тасбақаларға зиян тигізеді", – деп жазуда желі қолданушылары.