Павлодар облысында ағаш басындағы мысықты түсіруге әрекеттенген 50 жастағы ер адам биіктен құлап, көз жұмды. Ауыр жарақатпен ауруханаға жеткізілгенімен, оны аман алып қалу мүмкін болмады, – деп хабарлайды aqshamnews.kz тілшісі.
Павлодар облыстық денсаулық сақтау басқармасының мәліметінше, Орталық өнеркәсіп аймағында ағаштан мысықты түсіруге тырысып жүріп құлаған ер адам көз жұмған.
Марқұмның 50 жаста болғаны айтылды.
Сондай-ақ түрлі сынықтармен және травмалық шок жағдайында жедел жәрдем қызметі оны Павлодар қаласындағы №1 қалалық ауруханаға жеткізген. Алайда дәрігерлер оның өмірін сақтап қала алмаған.
Алдын ала мәлімет бойынша, ер адам шамамен алты метр биіктіктен құлаған.