"ВКонтакте" мен Telegram негізін қалаушы Павел Дуров Алматы облысындағы Көлсай көліне түсіп, құқықбузышылық жасады, - деп хабарлайды Аqshamnews.kz тілшісі.
Ол Көлсай көліне түсіп шығып жатқан сәтін Telegram-дағы сторисінде жариялап, "Керемет шомылдым" деп қысқа жазба қалдырды. Бейнежазбада кәсіпкердің суға бейқам түрде кіріп бара жатқаны көрінеді.
Алайда желі қолданушылары "Көлсайда шомылуға бола ма, айыппұл салынбай ма?"деген сауал қойды. Ұлттық парк ережесіне сәйкес, туристерге суға тек арнайы белгіленген орындарда ғана кіруге рұқсат, ал өзге аймақтарда немесе суық маусымда шомылу – талапты бұзуға жатады.
кадр видеодан алынды: t.me/durov
Ұлттық саябақтың Табиғи кешендердің өсімін молайтуды қорғау департаменті (ТКӨМҚ) түсініктеме берді. Ведомство өкілдері Көлсай көлінде шомылу әкімшілік құқықбұзушылық екенін, барлық келушілерге тыйым салынғанын хабарлады. Ереже бұзғандарға 10 АЕК мөлшерінде айыппұл қарастырылған – бұл 39 320 теңге.
Көлсай көлдері – Іле Алатауындағы үш тау көлінің жүйесі (Алматы облысы), теңіз деңгейінен 1 800–2 500 метр биіктікте орналасқан. Суы өте мөлдір әрі суық: жаздың өзінде температурасы сирек жағдайда 15°C-тан асады.
Айта кетейік, Павел Дуровтың Көлсайға сапары, шамамен, оның Астанада өткен Digital Bridge 2025 форумына қатысуынан кейін жалғасқан. Ол форумда Қазақстанда ЖИ зертханасын ашатынын мәлімдеген еді.
